السلام عليكم ، انا أول مرة انزل مشكلة ومحتاج نصيحه بجد من اخواتى الكبار ، الموضوع طويل بس معلش كملو للاخر ، انا ٢٤ سنة ، ايام الثانوي اتعرفت ع بنت ك صداقة عادي بس هي حبتنى واتعلقت بيا جدا وانا قولتلها برضو ان بحبها بس بصراحه مكنش حب ال هو العشق يعنى كان عادي ، المهم بعد فترة صغيرة بعدنا عن بعض ومبقناش نعرف اي حاجه عن بعض خالص وانا دخلت الكلية واتعرفت ع بنت وحبتها جدا واتقدمتلها بس اهلها رفضو مبدأيا لحد ما اخلص جيش ، بس حصل مشاكل بينا كتيرة اوووى خلت الموضوع ميكملش وكل واحد راح لحاله ، ومن فترة كده بالصدفة قابلت البنت ال كانت بتحبنى ايام الثانوي واتكلمنا ولسه بتحبنى ، وانا حاولت انسى بيها التانية دى بس الموضوع اتطور اكتر وحبتها يعتبر ، البنت دى ادب واخلاق واحترام وفيها والصفات ال اي واحد يتمناها ف مراته ال يأمنلها فالبيت ع اولاده ، المهم انا دلوقت الموضوع دخل فالجد وخطوبة وكده وانا مش معترض بالعكس انا مقتنع بيها كشخص جدا بس غصب عنى بحس بالندم اووى اتجاه البنت التانية دى انها لحد الان كل بوستاتها عن الخذلان وانها مكسورة وكده ، وانا غصب عنى براقبها من بعيد لبعيد بس مش حب خالص لان الموضوع بينا بقي مستحيل خلاص بس كل الفكرة انها صعبانة عليا انها كانت متعشمه جدا فيا بس اهلي واهلها حصل مشاكل خلت الموضوع صعب جدا ، انا محتاج نصيحه اكمل فالخطوبة زى ما انا ولا هظلم البنت ال حبتنى دى واخسرها فالاخر زى ما خسرت التانية ، انا مش عارف ارتب الكلام بس ياريت ال فهم حاجه يقولي نصيحته 🙏