السلام عليكم.. صحبيتي واقعة بمشكلة كبيرة هيا قبل كل اشي مطلقة وعندها ولد.. اول اشي معها مرض السرطان بس الحمد لله قاعدة بتتعالج منو والحمد لله الأمور بفضل الله احسن وعشان هدا المرض بتتعاطي كمية ادوية تذهب العقل ولكن بوصفة طبية .. بفترة من الفترات الدكاترة قطعو عنها الادوية لانو صار لازم تتعود وتتأقلم من غير ادوية .. صار الوجع يسيطر عليها وبطلت قادرة تتحمل وبمساعدة صديقة الها قامت وجابت الها دوا ترمان الي هوا يذهب العقل وهو بنفس صح يذهب الألم ولكن يختلف عن المكتوب بوصفة طبية .. وكانت متعرفة ع شاب بس علاقة سطحية هوا كان راغبها بس هيا كانت معتبراة صديق مش اكتر .. بيوم صحبيتها عزمتها ع طلعة مع شوية صحبات وكانو رايحين يقعدو بمكان لما راحت ع المكان فجأة من غير تخطيط مسبق لقت الشب الي متعرفة علية لانو هوا الشب بيقرب لصحبيتها من بعيد.. بس الاشي كان صدفة لانو صحبيتها اصلا بتعرفش بالموضوع .. المهم قامو الصحبات وضلت وضل الشب وصارو يتناقشو بلاخر صار بناتهم الي صار وزنا معها بس حلفتلي صحبيتي انو كانت مش بعقلها لدرجة انها مش متزكرة كل الي صار معها لانها بنفس اليوم كانت ماخدة من لحبوب الي جيباهم صحبيتها عشان تسكن الألم الي عندها .. المهم حاولنا نسكر الموضوع وحكتلها ارجعي ل الله وتوبي وربنا غفور رحيم.. ويريت تسكر ع هيك لانو النا اسبوع بنستنا الدورة تجيها مجتهاش ورحت مبارح شريت جهاز فحص حمل وفحصت طلعت حامل هلقيت عمر الجنين ١٢ يوم ومش عارفين اش نعمل معها وانا مش لاقية حدا يرشدني واحكيلها اش تعمل .. كلمت دكتوورها وهوا كتير قريب منها رفض يساعدها وحكالها اصلا كبير حملك يضلو للشهر التالت لانو هيا مش بوضع تتحمل حمل وكانت قبل يومين ماخدة جلسة كيماوي والدكتور حكا مستحيل تكمل بالحمل حكالها بساعدك بحالة يجي ابو الولد ويكون راضي عشان يسير تنزيل للحمل وابو الولد.مسافر وحكا بنزلش الا من هان للشهرين وانا بقول الحمل لسا بأولو هلقيت امكانية انو ينزل اسهل لبعدين لانو هلا من غير مضاعفات ع صحة الام .. فانا تايهه ومش عارفة كيف اساعد صحبيتي .. بالله ادلوني ع الطريق الصح..