السلام عليكم. انا بتكلم بخصوص صلة الرحم اللي وصانا الرسول صلي الله عليه وسلم. عشان مكونش سبب في قطعها احنا دلوقتي عائله ووالدي متوفي ١٥ سنه ومحدش من عمامي وقف معانه في حاجه وكان عندي اختين ومخطوبين ودخلين ع جواز والدنيا معانه كانت صعبه جدا وعمامي دول مبسوطين محدش فيهم وقف معانه في اي حاجه ولا حد منهم قالنا عيزين حاجه وبعدين احنا لينا ورث كتير عندهم الوقت ده احنا كنا محتاجين كل جنيه وهما في بلد واحنا في بلد تانيه خالص وبعيد عنهم مفيش غير عم واحد بس في البلد اللي احنا فيها وشغال في البترول ومبيسالش علينا بردو المهم استغلوا الفرصه اللي اخواتي عيزين يتجهزو وجين لأمي من ورانا عيزين يضحكو عليها ويمضوها ويستغلو الزنقه اللي احنا فيها ويدوها مبلغ بسيط جدا مقابل انها تمضي فامي طردتهم واتحسبنت عليهم ومجبتش سيره عن اللي حصل ومرت السنين واشتغلنا واتبهدلنا كتير انا واخواتي الصبيان احنا تلاته وربنا كرمنا واخواتي اجوزه وربنا سترها معانه الحمد لله من غير اي مساعده من حد .وجه في يوم عرفنا اللي حصل ومواقف تانيه كتير حصلت منهم تحرق الدم علي اللي عملوه فينا ومش بنكلمهم ولا هما ولا عيالهم مع اني والدي كان كويس معاهم ومان الكبير وعملهم حجات كتير جدا هو ده بقي رد الجميل بتاعهم انا بجد جت عليه فتره وتعبت نفسيا من اللي عملوه واللي ليسه بيعملوه معانه وبردو امي ترجع وتقولي صلة الرحم اوعي تقطعها حرام رغم كل وحش عملوه بس امي طيبه جدا وتعرف ربنا ارجو الافاده