كان عندي صاحب صارلي بعرفو اكتر من اربع سنوات كنا زي الاخوة واكتر يجي عندي واروح عندو ونطلع سوا اشتغلت فتره معو بالفري لانسنغ قبل كم شهر بدأت اشتغل نفس شغلو بس لحالي هوا ما عجبوا هيك وانقلبت معاملتو معي صار يهدد فيا اذا ما بطلت اشتغل متلو رح يأذيني عسوشيال ميديا وعلواقع انا اولها طنشتو انو بحكي هلكلام من ضغط الامتحانات بس وصل الامر انو يبعت رسائل تهديد لأمي عجوالها ابوي عرف بلمشكله وجابو عنا علبيت كان معتبرو زي ابنو جابو عشان يفهم شو الموضوع قعد حط رجل عرجل وصار يكذب ويلفق علي بكلام مش صحيح حتى انو حكا عني بحكي مع بنت كلام..... مش منيح رحت كلمت البنت الي بحكي عنها صوت واعطيت التلفون لأبوي وحكتلها يبنت الناس انا حكيت معك بكذا وكذا طبعا الحكي كزب والبنت من الصدمه صارت تعيط وحكالها ابوي خلص الموضوع عندي وانتهى بعد كم يوم لقيت صحفي للأسف اصلو من غزة وعندو كم متابع وصفحتو موثقه كاتب عني وناشر صورتي اني نصاب وباخد منهم مصاري وبعمل بلوك الناس عندو بالكومنتات بلشت تدعي علي كان وقتها قبل العيد الكبير بأسبوع او اتنين انا طبعا مصدوم من الكلام الي بصير والي صدمني اكتر انو الي كان صاحبي متواصل مع الصحفي ودافعلو مصاري عشان يحكي علي الكلمتين امي قرأت منشور الصحفي وكانت تشوف الكومنتات وهما بدعو علينا كان الصحفي كل م حد يجي يدافع عني يحذف تعليقو شوه سمعتي وسمعة عيلتي تواصلت مع صحافه من بلدي وعندهم متابعين وفهمتم القصه عشان يردولي اعتباري ولما سمعو بأسم الصحفي عرفو اصلو سمعتو خ.. اجت صحفيه ودافعت عني وردتلي جزء من حقي راح على الشرطه الي كان صاحبي وصار يحكيلهم اني نصاب وحكي فاضي تاني يوم من منشور الصحفي رحت بلغت الاجهزة الامنيه لكل منهم اسمه ولقبه وفهمتهم كل القصه وسمعتهم تسجيلات وصور وهوا بهدد في واثبات انو بكلم الصحفي راح الي كان صاحبي بعتلي بحكيلي انا اذا انسجنت ما رح اسامحك ليوم الدين راحت الشرطه بعدها بكم يوم بأمر قبض وكان شارد من دارهم يلي مش عارفو يلي كنت صاحبي انو انا الي مش مسامحك عكل حرف حكيتو علي وعكل عمايلك معي والمقلب الي اخدتو فيك ياخي الدنيا دروس اكملكم راحت الشرطه عملت دعوى الي وجمعتني باهلو عأساس يشوفو حل كان جايب كل اهلو معو حتى انو جاب واحد من جيرانو يشهدو زور . ونا كنت مع ابوي بس الضابط صار يستدرج في بالحكي وسحب منو كل الكلام الي بدو يسمعو وحكالو احلف يمين انك ما حكيت مع الصحفي وخليتو يحكي على أدم صار يدمدم بالحكي وحكالو الظابط بدك تحلف ولا لا حكالو بحلف ولما اجا يحلف الي كان صاحبي حكا في شغله انا كلمت الصحفي و... هنا الظابط قاطعو حكالو طيب احلف احلف متوضي ولا لا اول اشي خلا يروح يتوضا ورجع وحلف وهنا بدي افيدكم بهاي القصه بكم عبره من شب حياتو كلها دروس اول عبره اوعك تثق وتنغر بحد حتى لو بتعرفو سنيين وتاني عبره عند الفلوس الناس بتتحول لضباع طبعا لأنو عمل كل هلقصه هوا عشان بدوش اياني اشتغل نفس شغلو وقال بسرق زبائنو او الكستمرز تبعونو ثالث عبره مو كل حدا ضحك بوشك بتمنالك الخير رابع عبره #استنتجوها_انتم ونسيت احكيلكم انو بعد ما جابو ابوي عنا علبيت وابوي نفذلو طلبو وسكرت صفحتي رجع عدارهم يحكي بأمر من المبا...ح؟)ث اغلقت الصفحه وهوا كان قاعد معنا ابوي راح عندهم علبيت وحكا مع ابو والدو زلمه غلبان ما بعرف يحكي عشان هيك جايب كل اهلو كان معو اليوم الحمدلله بحقق نجاحات بشغلي والناس بتشكر فيي شغلي يلي كان محتكرو علي انا مش عارف ابلع الموضوع هاد لليوم اصلو ولاد الحرام بحلفو علمصحف وبكوعو عليه تكويع حسبنا الله ونعمه الوكيل