انا مطلقه منذ ٣ سنوات وعندي ولدين بعد طلاقي بسنتين اتعرفت علي شخص واتقدم لاهلي ووافقت عليه وارتبطت به وبسبب سفره لم يكتمل الارتباط بسبب عدم قدرتي علي ترك اولادي والبعد عنهم منذ سنه رجعنا نتكلم ...بالصدفه ابني شاف محادثه بيني وبينه وانا عرفت بالصدفه انه عرف ابني مخاصمني تماما ابني كبير مش صغير وبيغير عليا جدا ومش متخيل ابدا بعد انفصالي اني ممكن اتجوز تاني مع ان ده حقي وبرغم زواج والده الا ان زواجي انا شيء صعب عليه......من وقت ما عرفت انه عرف عن علاقتي بالشخص ده وانا حزينه ومش عارفه اقول له ايه ولا قادره اتكلم معاه .... نفسي اقوله انه الشخص الوحيد اللي مرتاحه معاه واني ضحيت بالزواج منه علشانهم وعلشان ما قدرت فعلا ابعد عنهم ....للاسف هو شاف صوره ليا بعتها للشخص ده وانا بشعري بدون حجاب وانا عارفه ان كده شكلي بقي وحش اوي ادامه وانا مش عارفه بجد اتكلم معاه ولا اقول ايه .... انا فعليا مش بنام كويس ...ابني عمره ٢٠ سنه وانا في ٤٤ من عمري تنصحوني اعمل ايه معاه عايزه اصلح الدنيا بيني وبينه هو واخوه اهم حاجه عندي في الدنيا كلها وبراعي نظرتهم ليا ومش لاقيه مبرر مقنع له بالله عليكم راعوا ربنا في اي كلمه وانصحوني بجد اتكلم واقول ايه له وازاي اصلح اموري معاه هو اقرب حد ليا في اولادي وما قادره اتخيل ان بعد كل اللي عملته علشانهم اخسر حد فيهم او انزل من نظره هل اواجهه واحكي له كل حاجه واصارحه اني برغم اني ام عندي مشاعر ومحتاجه وجود شخص جانبي واني علشانكم ضحيت بكل حاجه بابهم برغم كبر سن اولادي عايز ياخذهم في حاله زواجي وانا مش هقدر ابعد عنهم وعمري ما هسامح نفسي ولا هكون سعيده في اي حياه غير بوجودهم هموت من التفكير اواجهه ابني وبكل هدوء ولا اسكت وتزيد الفجوه ما بينا ؟ .... وايه اخر الحياه كده اتظلمت من بابهم وعايشه علشانهم وناسيه نفسي وحقوقي ويوم ما يشوف حاجه زي كده انزل من نظره انا الام القويه المتحمله اللي برعاهم طول السنين اللي فاتت ومستعده للسنين الجايه 😔😔😔 تعديل ....حصلت مواجهه بيني وبينه ورافض تماما التعامل معايا واني بمعرفتي بشخص ما بره اطار الزواج ده مش من حقي وانه خلاص شايف اني لا اصلح ان اكون ام انا بحاول افهمه الصح بس هو رافض حتي الكلام معايا تماما....وشايف انه لازم يحكي لباباه وانه عايز يعيش معاه